Byter ikkje ut spelsauene

Familien Bue i Gjesdal har spelt på lag med spelsauen i 45 år. Satsinga har gitt gevinst.


Sjur Håland


– Sjå føtene, seier Vilhelm Bue, og peikar på ein drektig spelsau som snur bakenden til, og avslører eit sett lange, sterke og perfekt forma bakføter.


Spelsauen kunne vera utsett for mjuke hasar, eit av fleire argument som rygja- og dalaentusiastar i si tid nytta mot spelsauen. Slik er det ikkje lenger. Det finns få argument mot rasen. I alle fall i følgje far og son, Gaute og Vilhelm Bue i Gautedal på Kydland i Gjesdal.