Nye fjøs: Når økonomien i mjølk har styrka seg parallelt med at investeringstilskotet har auka, gir det optimisme og nye lausdriftsfjøs i mjølkenæringa i vest. Illustrasjonsfoto.

Optimisme i vest

Gitt at vi har kvoteregionane, og eit fleirtal på stortinget som ønsker landbruk i heile landet, kan Vestland innfri lausdriftskravet – utan å tape volum, seier Jo Helge Sunde i Storfeprosjekt Vestland.

Liv Kristin Sola

Vestland fylke sitt overordna mål er å oppretthalde produksjonsvolumet i fylket. For alle produksjonar. Leiar for storfeprosjektet i Vestland, Jo Helge Sunde i Tine, er forsiktig optimist på vegne av vestlandsbonden. Åtte år før det er kroken på døra for båsfjøs, ser det ut til at dei kan lukkast med å få mjølka over i lausdrift, utan å tape volum.