Plage på frammarsj: I Noreg herjar førebels berre skogsflåtten, men andre flått-artar kan vera på veg inn i landet. Foto: Istock / Avalon_Studio

VETERINÆREN:

Flåtten: Farleg for folk og fe

Babesiose og louping-ill er mindre kjende sjukdommar som flåtten kan overføra til folk og dyr, men dei er ikkje mindre krevjande.

Asle Bjørgaas
34 års klinisk praksis i Voss, no praktiserande veterinær i Vaksdal og Modalen med vaktsamarbeid med Voss.

Fyrste gong eg møtte på flåtten, var då eg som ung veterinærstudent hadde min fyrste jobb i Sunnfjord på byrjinga av 1980-talet. Flåtten var utbreidd i naturen her, og bøndene var velkjende med sjukdomen som vart kalla ”hagesjuke”.