Ressursforvaltar: Slaktar Torodd Kvam har hjelpt mange bønder med å berga kjøtet når uhellet er ute og dyr må avlivast på garden. Han er ein erfaren slaktar som ikkje kvir seg for å gå i gang med å slakta store dyr.


VETERINÆREN:

Lokal slaktar bergar kjøt

Når uhellet er ute og naudslakt ikkje er eit alternativ, er det godt å ha ein lokal slaktar som kan hjelpe å slakte for å ta vare på kjøtet.


Oddfrid Vange Bergfjord, privatpraktiserande dyrlege i Sogndal og Luster, og frilansjournalist for Buskap.


Somme tider hender det at dyr av ulike grunnar må avlivast utanfor slakteri. Det er ikkje alltid at desse dyra kan gå inn i produksjonen til slakteria og vidare ut på marknaden gjennom den ordinære naudslaktordninga.