Viktig – men kostbart: Det blir ofte lange og kostbare turar for nødslaktbilen. Slik må det vere, men no skal kostnaden i større grad bli belasta dei som brukar ordninga, og mindre for fellesskapet. Illustrasjonsfoto: Jane Brit Sande/Bondevennen.

Stor endring i nødslaktordninga

Frå 15. august i år innfører Nortura differensiert sats for nødslakttrekk på storfe. – Kostnaden for fellesskapet må reduserast, seier Bengt Egil Elve i Nortura.

Liv Kristin Sola

​Nortura si nødslaktordning er meint som eit servicetilbod til slakteriet sine medlemmar for å sikre dyrevelferd for skadde dyr.

– Dyr som får ein skade som gjer at dei ikkje er transportdyktige, kan med denne ordninga få ein nødslaktattest og slaktast på garden. Bonden får slakteoppgjer, men betaler ei avgift, og me reduserer matsvinn, seier tilførselsleiar i Nortura, Bengt Egil Elve, til Bondevennen.