Smaken av sommar: Elisabeth (t.v.) og Amalie blir aldri lei av bringebær. Aller helst nyplukka bær med vaniljesaus. Foto: Liv Kristin Sola

Bringebærjentene på Sola

– Travelt, kjekt og lærerikt. Slik summerer Amalie Joa og Elisabeth Joa sommarjobben dei har hatt dei siste tre åra, etter at dei vart bringebærbønder.

Liv Kristin Sola

Sommaren er meir enn ferie for systrene Amalie Marie (15), Elisabeth Sofia (13) og Sarah Louise (8), alle med etternamn Joa. Familien har nemleg planta 750 bringebærplanter på garden. I nokre hektiske i skuleferie-veker, har jentene hendene fulle med å plukke, vege og selje bringebær. Og ordne bestillingar og handtere kundar.