Ryddar seg fram: Arbeidet med vegen har kome opp på høgda over Øvre Espedal, vinteren 1976. Foto: Erik Thoring, Rogalands Avis.

HISTORIE

Då vegen kom til Vinddalen

Måndag 22. september var det 50 år sidan bygginga av veg frå Øvre Espedal til Vinddalen i Forsand kommune i Rogaland starta. Der oppe kunne over 1000 mål kultiverast. Her er historia om dalen, vegen og kultiveringa.

Mikal Mikkelson

Ei stor myr skulle dyrkast opp, og store beite lagast. Dette skulle styrka gardane i Øvre Espedal. I samtidas Rogaland var dette eit stort prosjekt. Nå, 50 år etter, kan dette vera verdt å minnast.
Vegstart

Måndag 22. september 1975, ein gråvêrsdag. Det har kome haustlet på skogen, og sauene er komne heim og beiter fredeleg der vegen skal gå.