I eigne hender: Så mange bønder driv så effektivt og intensivt dei kan, i takt med tidas tankesett og krav. Likevel får dei aldri det økonomiske handlingsrommet dei strevar etter. Nokre vågar ein annan veg. Ikkje at den er lett, men den gjev livet meir kvalitet. Arkivfoto.

MOLDROK:

Bønder som smir sin eigen ljå

Moderniteten har gjort jordbruket til eit instrument for stat og marknad, men somme bønder vel å gå sin eigen veg.

Bjørn Egil Flø er bygdesosiolog og forskar ved Norsk institutt for bioøkonomi.
Han er sunnmøring og opplært til å meine at skal ting bli betre, lyt me gjere det sjølve.

I det eg svingar ut frå gardsplassen og ser bonden i bakspegelen stige om bord i traktoren, er det ei setning frå samtala som ikkje slepp taket. «For eg tenkjer ikkje likt med dei», hadde han sagt. Han forklarte at det moderne jordbruket hadde fjerna seg frå jorda. «Det kan knapt kallast jordbruk», meinte han før han la til «snarare er det jordforbruk».