Drivaren: Mjølkekua er drivaren i Rogalandslandbruket. Dekningsbidraget per ku enda på 34.000 kroner per ku i 2024 mot 28.000 kroner året før, i følgje tal fra SpareBank 1 Sør-Norge Forretningspartner. Illustrasjonsfoto: Liv Kristin Sola

Vekst i bondeinntekta: Mjølka løftar Sørvestlandet

Etter eit turbulent tiår med store svingingar i kostnader og marknadsutsikter, viser ferske tal frå SpareBank 1 Sør-Norge Forretningspartner at 2024 blei eit langt lysare år for bøndene i Sørvest-Norge.

Sjur Håland​

Inntekta per bruk steig i snitt med 144.000 kroner frå året før. Gjennomsnittleg overskot på gardsbruka landa på 627.000 kroner. Totalinntekta syner ein auke på om lag 30 prosent.

Tala er basert på 2-300 rekneskap av dei til saman 1.900 landbrukskundane til SpareBank 1 Sør-Norge Forretningspartner, tidlegare Tveit Regnskap. Bak tala ligg ei utvikling prega av både sterk prisauke i 2022, eit svakare 2023 og ny vekst i 2024.