Etterslep: Stort vedlikehalds- og investeringsetterslep bidreg til at gjelda aukar når bonde­økonomien er god. På Jæren var gjelda 8,3 millionar kroner per bruk ved utgangen av 2024.Foto: Istock / Avalon_Studio

Jordbruksinntektene – og gjelda opp

Etter eit kraftig inntektsfall i 2023, viser nye tal frå NIBIO at jordbruksinntektene i Agder og Rogaland igjen peikar oppover. Samstundes aukar gjelda.

FORFATTER

I 2024 var inntektsnivået nesten tilbake på det ein såg i 2022. Utviklinga er særleg positiv på Jæren, melder NIBIO.

På Jæren steig jordbruksinntekta med 74.700 kroner per årsverk og enda på 537.600 kroner i snitt. I resten av Rogaland og Agder var auken 74.300 kroner, til 477. 200 kroner per årsverk. Dette svarar til ein oppgang på høvesvis 16 og 18 prosent frå 2023. Auka marknadsinntekter og høgare tilskot, kombinert med ein relativt moderat kostnadsvekst, forklarer mesteparten av framgangen. Samstundes blir det meldt om større arbeidsinnsats i begge regionane.