Tett med dyr: Fjøset er eit firerekkers lausdriftsfjøs frå 2004. Det gir knapt med eteplassar. Då er det avgjerande at det alltid er fôr på fôrbrettet. – ALLTID, understrekar fôringsrådgivar Anja Våg Skjold. Foto: Privat

Det er ikkje fjøset det kjem an på

Steg for steg mot suksess – sjeldan har det passa betre enn for samarbeidet mellom bonde Trond Arne Asbjørnsen og rådgivar Anja Våg Skjold i Tine.
– Trond Arne har vist at det går an å få gode resultat og tene pengar, sjølv med eit krevjande utgangspunkt, seier Anja.

Liv Kristin Sola

Trond Arne Asbjørnsen overtok som dagleg leiar av Vikevåg samdrift i 2012. Samdrifta vart etablert i 2004, same år som fjøset var bygd. Det tiande «robotfjøset» her til lands. Den gong ei moderne lausdrift med mykje dyr på lite areal og med kalvebingane plassert der det var ledig plass.