Ligg i genane: Lidenskapen og interessa for sauen går i arv hjå familien Skretting. Per Erik Skretting har vore i sauehuset frå han var ein neve stor. Nå har han og resten av familien fått huset dei lenge har drøymt om.

Alt klart for lemming i nytt hus

Sjølv med eit nytt sauehus på heile 1300 kvadratmeter, kan det bli tett med liv når drygt 500 søyer skal lemma i april.

Sjur Håland

Den blide bonden opnar eine kvite fjøsdøra på vidt gap og gir meg plast­trekk til å trekkja over skoa. Det luktar godt av sau og silo. Dyra er mette og nøgde. Mange ligg og jortar. Drektige og tunge. Per Erik tek meg med frå sauehuset og opp på loftet over servicedelen av nybygget. Inn i eit møterom med store vindauge og formidabel oversikt over hus og husdyr. Det ser romsleg ut. Innflyttinga skjedde på sjølve julaftan.