Dyra gir beskjed: Britt Lilly kjenner dyra sine godt. Kunsten er å halde matlysten oppe og magane i balanse. – Me ser tydeleg når dei går lei. Då vil dei liksom ingenting, seier ho. Foto: Juni Rosann E. Johanssen, NORSØK.

To bruk – éin robot

Når våren kjem tek Britt Lilly og Sveinung med seg kyrne og mjølkeroboten og flyttar frå Voss til Nærøydalen. Om hausten flyttar dei tilbake.
– Det er ikkje så komplisert, eigentleg, seier Britt Lilly.

Liv Kristin Sola​

Britt Lilly Græe Hylland og Sveinung Kløve har overteke kvar sin slektsgard. Han på Voss og ho på Hylland i Nærøy­dalen, ikkje langt frå Gudvangen.

På Hylland har dei gode beite som familien til Britt Lilly har brukt tiår på å rydde og skjøtte. På Voss har dei eit lausdriftsfjøs som foreldra til Sveinung bygde om frå båsfjøs.