Klar for straumbrot: Med eit stort aggregat på låven har Aleksander Tengesdal rigga seg for noko av det verste om ein driv med slaktegris og mjølkeku, nemleg straumbrot.

Bonden er klar for krise

Aleksander Tengesdal ser eigenleg lyst på livet, men livet har også lært han at det er best å ha ein plan B.

Jofrid Åsland Gilje

Sola skin og temperaturen er tosifra denne aprildagen. To ivrige hundar helsar Bondevennen velkommen i eit ryddig gardsrom. Me er i Bjerkreim, Søre Tengesdal.

– Det handla om tryggleik for min del. Vasspumpe må virke, det må vere fôring i grishus, mjølkerobot og i tillegg har eg ein far som var i ei ulukke og vart lam. Ut frå hans behov har han ein rullestol som må ha straum, seier Aleksander.