Ku for sau: Kyrne er Sondre si fanesak. – Det er svært positivt å vekselbeite med sau og ku. Då dei aller fleste snyltarar ikkje går på begge dyreslaga, med unntak av leveriktar, seier Sondre Sandanger Sørheim.

Bekymra entusiast

Veterinæren er over gjennomsnittet interessert i dei små krypa ingen vil ha, snyltarar på sau. No er han uroleg på vegne av næringa.

Jofrid Åsland Gilje

– Eg kan bli oppfatta som ein dommedagsprofet, seier Sondre Sandanger Sørheim.

Denne maidagen er han heime med minstemann, som får lov til å vere med morfaren i traktoren medan Bondevennen får drøse med faren. Saman med kona Marita Sandanger Sørheim driv han gard på Fogn i Rogaland. Begge to arbeider som veterinær, men Sondre er den med størst engasjement for snyltarar.