Åstad: – Her vart reven felt då han kom tilbake for å ta fleire lam, seier Jan Bredo Våland.

– Må ikkje få smaken på lam

Reven forsynte seg med eit lam hjå Hanne og Jan Bredo Våland i Hå. Det vart det siste Mikkel gjorde.

Sjur Håland​

– Eg har drive med sau i 54 år. Tenk, lemming og beiteslepp i 54 år. Det er klart ein blir særleg knytt til desse dyra, seier Jan Bredo.

På garden Våland i Hå har Jan Bredo Våland og kona Hanne Våland bygd opp garden med gris og sauehald gjennom fleire tiår. Jan Bredo er for bureisar å rekna. Han starta med ein svær utmarkseigedom og sau heilt tidleg på 1980-talet, og etter kvart kom Hanne med på laget. I dag har dei dyrka og lødd steingardar rundt svære areal. Kring 140 vinterfôra sauer av rasen Texel nyt godt av resultata av alt arbeidet.