Lass på lass: Bøndene på Gjesdal har alliert seg med Sigmundsen Transport AS som stiller på dugnad. Her blir ein tilhengar med rundballeplass flytt over i konteineren.

Fjernar plasten på dugnad

Organisert plastinnsamling har blitt rutine for bøndene i Gjesdal. Men tilbodet kjem ikkje av seg sjølv.

Sjur Håland​

– Ja, her har det vore kø og god gang sidan me starta klokka ti, seier Ernst Georg Bollestad, leiar i Gjesdal Bondelag.

På ein litt grå laurdag føremiddag kjem traktorane sigande inn på plassen utanfor bygdahuset i Gjesdal. Våronna er nyleg unnagjord, noko dei moldstøva traktorane ber preg av. Rundt 100 ekvipasjar er venta inn i løpet av dei to timane innsamlinga varer.