Stolt lokallagleiar på Bondetinget: Prisen for årets lokallag 2026 blir utdelt til Ernst Georg Bollestad, frå Gjesdal Bondelag.

Gode råd frå eit lokallag i vinden

Gjesdal bondelag vart kåra til «årets lokallag» i Norges Bondelag.
– Bondelaget er ein bauta i lokalsamfunnet, seier leiaren.

Hilde Elin Østerhus​

– Laget vårt har vore vanvitig gode over lang tid. Eg har berre synleggjort dette, og strukturert arbeidet og utsegna våre slik at dette kjem fram, seier Ernst Georg Bollestad.

Den nokså nye, men likevel godt røynde lokallagsleiaren er stolt av utnemninga, og laget sitt. Gjesdal Bondelag er 110 år i år, og nett kåra som årets lokallag, av 500 lokallag i landet. For Bollestad gav det heider og ære på Bondetinget, men også 30.000 kroner i friske midlar heim til laget.