Heider og ære ved tildeling av God bonde-prisen: F.v. Leiar i Norges Bondelag, Bjørn Gimming, Silje og Bjørn Ståle Bekkeheien, Landbruks- og matminister, Nils Kristen Sandtrøen, Kristin Syverstad, og styreleiar i Landkreditt, Hans Edvard Torp. Foto: Pernille Hjerpseth

Å legge til rette for trivsel

På Bekkeheien gard blir det produsert meir enn mjølk og kjøt.

Hilde Elin Østerhus​

Lysa blinkar, musikken dunkar og scena er stor.

Det er i sluttfasen av årsmøtemiddag på Bondetinget og stemninga er over middels. Bondelagsleiar Bjørn Gimming les opp ei lang og detaljert grunngjeving for årets God bonde-pris.

Grunngjevinga trekkjer fram engasjement, kunnskapsdeling og evna til å byggje bru til yngre generasjonar.

Silje og Bjørn Ståle Bekkeheien frå Jæren, vart tildelt «God bonde prisen», prisen deler dei med østfoldbonden Kristin Syverstad.

Det er god grunn at grunngjevinga er lang.