Stopp: Tanken på eit samfunn utan straum har vore driv krafta til å utvikle garden som energiressurs. Kjell Ivar Ueland er bonde og oppfinnar. Her på Arendalsuka.

PORTRETT KJELL IVAR UELAND:

Energibonden

Kjell Ivar Ueland vil gjere gardsbruk til ein energiressurs for samfunnet i beredskapens namn.

Jofrid Åsland Gilje

Ueland har føtene støtt planta på dørken. Båten har tittelen «Energihovedstaden», og er ankra opp i Arendal denne veka i starten på august. Det er debatt og temaet er beredskap – kva gjer me når krisa rammer? Ueland er titulert som dagleg leiar av Grøn gårdsenergi. Eit selskap han eig saman med kona Susanne Ueland. Verksemda skal utvikle grøne energiløysingar opplyser Brønnøysund­registeret. Ueland er kjend for å tenke utanfor boksen. Med seg til Arendalsuka har han ein forskar. Dei to framsnakkar grøn energi frå landbruket. Dei vil at framtidsbonden skal hauste kraft frå både vind, vatn, sol og flis, som gir straum og varme.