Kjøpe nå? Rådet frå FKRA er ja, og det er ein fare for at gjødselprisane kan stiga ytterlegare utover hausten og vinteren. Foto: Istock / fotokostic

Haustkjøp kan løna seg

I ni av ti år har det løna seg for bøndene å kjøpa neste års mineralgjødsel om hausten.
– Rådet gjeld også denne hausten, men marknaden er svært uoversikteleg, og ingenting er skrive i stein, seier Bernt Ullvang.

Sjur Håland​

Felleskjøpet Rogaland Agder valde å forlengja gjødselprisane som vart sette då det nye gjødselåret tok til 1. juli. Prisane galdt fram til 18. september.

– Når denne fristen nå er passert, kjem det ein gjennomgåande prisoppgang på alle mineralgjødselslaga, seier Bernt Ullvang.