Samspel: Magnus Søyland, bonde i Gjesdal, skildrar sampelet mellom dei ulike naturtypane i beite slik: – Det er avgjerande at dyra har tilgang til gjødsla beite for at dei skal få nok næringsrikt gras, dette er buffeen til dyra. Etterpå kan dei supplere med urter og andre vekstar frå naturbeitemarka på toppen, som kaffi og dessert.

– Kartlegginga kan gi katastrofale utfall

Magnus Søyland har mykje naturbeitemark. Bonden meiner kartlegginga som ligg til grunn for forvaltninga er svært mangelfull.

Jofrid Åsland Gilje

Han held til i Gjesdal kommune, på Søya gard. Her har dei gardsutsal, mjølkekyr i samdrift og sau. Grunnlaget for drifta er store beiteområde.

I følge tall frå søknad om regionalt miljøtilskot i jordbruket (RMP) har Søyland 217 dekar naturbeitemark. Det er om lag 15 prosent av denne naturtypen i Gjesdal.