Ny kurs: Statsforvaltaren melder at færre bønder vil få oppheva spreieareal som følgje av vern av naturverdiar. Innsatsen vil i større grad bli konsentrert om areal med naturbeitemark av høg kvalitet. Foto: Thea Hjertuslot

Færre bønder risikerer å miste spreieareal

Statsforvaltaren i Rogaland endrar kurs for arbeidet med spreieareal i naturbeitemark.

Jofrid Åsland Gilje

Etter nye faglege vurderingar blir færre bønder råka av gjennomgangen av areal som er godkjende for spreiing av husdyrgjødsel.

Avgjerda kjem etter fleire månader med uro i landbruket. I sommar sette statsforvaltaren arbeidet på pause for å gå gjennom vurderingane på nytt, mellom anna etter innspel frå næringa. No vil etaten i større grad konsentrere innsatsen om areala med dei høgaste naturverdiane. Dei har publisert informasjon om saka på eigne nettsider.