Tradisjonstre: Dag Øvstebø viser fram det eldste styvingstreet på garden. Han har eit bilete av farfaren og dette treet, og anslår at treet er godt over 100 år.

Fôrar sauene med lauv

Dag Øvstebø har over 400 styvingstre. Trea held bonden i form, og sauene glade.

Jofrid Åsland Gilje

– Eg er forsiktig med å styve dette treet. Det toler ikkje så mykje, seier Øvstebø.

Som alt levande ber treet òg preg av alderen. Like utanfor huset står eitt av dei eldste trea på garden. Han anslår at treet er godt over 100 år, basert på eit bilete av farfaren og treet. Øvstebø sjølv er heller ingen ungdom. Han er pensjonert lærar, og nyt gode dagar på garden i Dirdal i Rogaland.