Frå jord til ord: Jordbruk er meir enn matproduksjon. Det er utgangspunktet for heile kulturen – og litteraturen. Men om forfattarane ikkje lenger har kontakt med jorda, blir litteraturen deretter. Bøndene må opp og inn i bøkene att, skriv forfattar Peter Strassegger. Illustrasjon: Pawel Kuczynski


MOLDROK - om mold, mat og landbruk

Forfattaren som skulle læra seg kunsten å ensilere

Bøndene må ikkje berre redda jordbruket, skriv forfattar Peter Strassegger. Dei må også redda litteraturen.


Peter F. Strassegger, forfattar og leiar av Jorddøgn litteraturfestival


Kan ein forfattar læra seg noko om ensilering? Kanskje ikkje i utgangspunktet. Men kvifor gjer han det likevel? Og kva er eigentleg ensilering?
Spør du ein bonde som har halde på med å slå enger og lage silo heilt sidan ho eller han var liten, vil vedkommande kunne gje deg eit meir nøyaktig svar enn det eg kan. Ho eller han vil sikkert ha ein haug med historier å fortelje. Frå slåttetid og pakkinga. Om vêr og vind. Om avlessarvogner som ryk. Om syre som blir sølt eller traktorar som køyrer seg fast i driten. Om regn, tørke eller varmgang i siloen.