Meirsmak: Roger Løvik og Medusa var med i NM-finale for første gong. Dei kom på åttandeplass. – Eg hadde som mål å koma til finalen med Medusa, men dette gjekk over all forventing. Det var ikkje eit enkelt løp, eg sleit med å få kontroll på saueflokkane. Men eg er nøgd med sorteringa og kvea. Me avslutta bra. Eg er nøgd med innsatsen vår, og dette gav absolutt meirsmak, seier Løvik.

Gå inn! Høgre! Her, her, her!

Kommandoane jalla då NM i bruk av gjetarhund gjekk av stabelen på Vigrestad på Jæren førre helg. Det vart siger og tredjeplass for jærbu Arvid Årdal.


Jane Brit Sande


Tre dagar, meir enn 30 dugnadsfolk, 90 ekvipasjar, 300 sauer og eit ukjend tal kakestykke og koppar med kaffi. NM i bruk av gjetarhund gjekk av stabelen på Vigrestad på Jæren i helga. Jarl Nord-Varhaug er leiar i Hå gjetarhundnemnd, som saman med Sør-Jæren sau og geit står for arrangementet.