Ku eller korn på innmarksbeite?: Kornproduksjonen skal aukast i sone 3. Spørsmålet er kor store tilskot som som må til før bøndene i Bjerkreim, Gjesdal og Strand vurderer å så korn i innmarksbeitet. Foto: Gudrun Kristensen.

Beitekommunar vil ut or kornsona

Uansett kor mykje bøndene i Bjerkreim, Gjesdal og Strand blir stimulert økonomisk, så blir det krevjande å dyrke korn på innmarksbeite.

Liv Kristin Sola, skribent

​Beitekommunane Bjerkreim, Gjesdal og Strand (BGS), har sidan 1994 vore plassert i tilskotssone 3, til liks med store delar av kommunane i kornområda på austlandet. Fram til 2017 hadde ikkje soneinndelinga så stor økonomisk betydning, men dei siste åra har tilskotet i aukande grad vore brukt for å stimulere til meir korn i aust og gras og beitedyr i vest.