Kva horisont? Investeringsbehovet blant bønder i Rogaland er stort – i fleire produksjonar. Stort er også potensialet for matproduksjonen, men førebels må fleire bønder venta med å satsa vidare. Foto: Istock / Serhii Hryshchyshen

Bønder i kø for lausdrift og dyrevelferd

Ivrige rogalandsbønder må venta på investeringsmidlar. Det utfordrar både motivasjonen, dyrevelferda og sjølvforsyningsmålet, ifølgje landbrukspartnarskapen.

Bothild Å. Nordsletten

I Rogaland står 21 bønder i kø for investeringsmidlar for å bygga om til lausdrift, men potten til Innovasjon Norge (IN) er tom. Køen er stor nok til å kunna bruka opp heile Rogalands-potten også for 2026. Dermed blir også investeringar i nye saue-, og ammekufjøs, SPF for svin, gjødsellager og biogass lagt på is.