Må dokumentere: Arne Berge med ein del av beitet i bakgrunnen. Den nyslåtte enga lengst bak skal leggjast til beitet når gjenveksten er komen i gang att, slik at kyrne får tilgang til meir ferskt gras gjennom sesongen. Han fryktar at omfattande dokumentasjonskrav knytt til beitetilskotet kan føra til mindre beitebruk.

– Då stenger eg heller fjøsdøra etter åtte veker

Arne Berge meiner dokumentasjonskrava for beitetilskot er blitt så omfattande at dei kan gå ut over beitebruken til mjølkekyr.

Sjur Håland​

– Skal det vera på denne måten, stenger eg heller fjøsdøra ut til beitet etter dei lovpålagde åtte vekene og fôrar inne, seier mjølkeprodusent Arne Berge på Lende i Time kommune.

Bakgrunnen er informasjon frå fleire kommunar om kva som skal til for å dokumentera retten til beitetilskot for mjølkekyr i lausdrift og robotfjøs med fri tilgang til beite.