Nye oppgåver: Nils Bjørke har lang fartstid som bonde, organisasjonsmann og politikar. No er han styreleiar for Nasjonalt senter for fjellandbruk. – Bruk av utmarksressursane i fjellregionen blir ein målestav på om me vil ha eit landbruk basert på berekraft og auka beredskap. Får me til det, trur eg me styrkar landbruket òg i resten av landet, seier han.

– Det er botnlinja du lever av, ikkje volum

Nils T. Bjørke utfordrar bønder og rådgivarar til å tenke meir på botnlinja enn på volum.

– Det er ikkje mjølkeroboten som skal bestemme storleiken på fjøset, seier han

Liv Kristin Sola

Den pensjonerte bonden, stortingspolitikaren og tidlegare bondelagsleiaren Nils T. Bjørke, snakka fram mangesysleriet då han opna fagsamlinga for unge fjellbønder på Voss siste helga i november.

Samstundes utfordra han både bonden og rådgivarapparatet til å tenke heilskapleg og god drift, og mindre på volum.