Lærerikt: Eline Sinikka Hov i praksis hjå mjølkebonde John-Erik Bjørlo i Sortland. – Eg hadde det superfint hjå John-Erik. I tillegg til vanleg fjøsstell, fekk eg bli med på både klauvskjering, avhorning, undervisning – og godt selskap. Ei god veke, seier Eline. Foto: Privat.

TEMA VETERINÆRMANGEL:

Dyrkar dyrlegar i nord

Bøndene i Vesterålen i Nordland veit kva det er å ikkje ha veterinær. No gjer dei sitt for å sikra rekruttering.

Hildegunn Mugås, veterinær, bonde, og skribent i Bondevennen

Jordbruksmiljøet er aktivt i Vester­ålen, med storfe, gris og sau. John-Erik Bjørlo er leiar i Sortland, Øksnes og Lødingen bondelag og driv sjølv med mjølkeproduksjon. Gjennom faglaget er han engasjert i to prosjekt som har som mål å fremja rekruttering av veterinærar til yrket, òg til regionen spesielt.