Kveiteslått:Slåing av kveiteattlegg hjå Øyvind Steinnes. Førsteslåtten går vanlegvis føre seg 10.-20. juli, medan andre slåtten av attlegget blir hausta i september. Foto: Øyvind Steinnes.

Får ly og liv med kveite i grasattlegget

Grasattlegg med vårkveite og Spire Surfôr Pluss 10 med kløver legg grunnlaget for haldbar eng med svært god jordstruktur, erfarer Øyvind Steinnes. Siste omlaupsåra blir enga boosta med eitt- og toårig raigras og litt raudkløver.


Sjur Håland



Det er 19 grader, 19. september og grønt på kjelvene rundt tunet. Bondevennen og pensjonert NLR-rådgivar og grasekspert Ragnvald Gramstad, er på besøk hjå Øyvind Steinnes. Han driv gard på Kjørmo i Lund, saman med kona, Tove Birkeli Steinnes, og barna Tom Helge (4) og Eirik Olai (7). Tove har sitt daglege virke utanom bruket.