Kan knekka:Seksradsbygg fotografert i ein åker på Jæren ei veke ut i august. Desse aksa heng med hovuda, men har tolt sommarstormen utan å knekka.

Floker for kornbøndene etter Floris

Uvêret Floris, som slo innover Sør- og Vestlandet førre veke, har gjort det i
overkant spanande å vera korndyrkar. Likevel trur produktsjef for plantekultur
i FKRA, Henning Røyneberg, at bøndene vil få gode avlingar.

Sjur Håland​

– Litt legde treng ikkje bety krise, men korndyrkarane bør følgja ekstra nøye med på åkeren sin og vêrmeldingane i dagane framover mot skurden, seier Røyneberg til Bondevennen.
Han har observert noko legde i enkelte åkrar etter uvêret, men kjenner ikkje til heile omfanget.