På vass-vakt: Håkon Nilsen frå Frivillige tiltak i landbruket seier at fortørking av grovfôret har minska avrenninga av silosaft til vassdraga på Jæren. Likevel observerer han stadig både uhell og tilfelle av kunnskapslaus grovfôrlagring. Foto: Sjur Håland

Framleis uro over silosaft i vassdraga

Uhell og kunnskapsløyse fører framleis til tilfelle der silosaft forureinar vassdrag, meiner Frivillige tiltak i landbruket. Og manar igjen bøndene til aktsemd.

Bothild Å. Nordsletten

​Jæren har slite med dårleg vasskvalitet i ei årrekke. Nå syner oppdaterte datasett frå Vann-nett.no at problemet varer ved.

Vann-nett.no er kunnskapsdatabasen for arbeidet med vassforskrifta i Noreg. Funna deira viser at vasslivet er svekka i heile 65 prosent av elvane og innsjøane som er påverka av jordbruk i dei åtte fastlandskommunane i Jæren vannområde.