Enkelt: Å dokumentera balansert fosforgjødsling er ikkje noko hokus pokus. Det handlar om samsvar mellom tilført fosfor gjennom gjødsla og uttak gjennom avlingane, meiner Kristian Vinningland t. v. og Geir Jone Pollestad.

Fryktar balansegjødslinga blir for innvikla

Jærbøndene Geir Jone Pollestad og Kristian Vinningland fryktar at byråkratisk krøll vil øydeleggja det dei meiner er ein agronomisk rett og enkel praksis med fosfor-balansegjødsling.

Sjur Håland​

​Landbruksdirektoratet seier dei har fått innspel om at jordprøvar ikkje held som dokumentasjon på balansegjødsling. Fosforrekneskapen handlar om tilført fosfor til jorda gjennom gjødsla og fosfor teke ut med avlingane. Jordprøvane fungerer som ein fasit, slår dei to fast.