Sårbart:Mjølkeroboten treng straum, nett og vatn under trykk, og er såleis ein av dei mest sårbare maskinane på garden til Anders Braut Ueland på Vigrestad. – Me må ta eigen beredskap meir på alvor, seier han og etterlyser initiativ frå både maskinforhandlarar og Bondelaget.

Garden må lysa når alt går i svart

Straumlaust, vasslaust – og null mobildekning. Det som tidlegare verka utenkjeleg, kan plutseleg inntreffa. Anders Braut Ueland meiner at landbruket må ta eigen beredskap meir på alvor.

Sjur Håland​

​Kva gjer du når straumen fell ut og alt går i svart. Og medan vasstrykket forsvinn i kranen, blir mobilnettet kuppa og kappa.

Eit oppkonstruert skrekkscenario.

– Ja, men ikkje lenger utenkjeleg slik verda har blitt og slik tryggleikssituasjonen er for tida, fastslår Anders Braut Ueland frå Vigrestad i Hå.