Moglegheiter for vekst: Skogbotn er klar for nyplanting og verdiauke. Foto: Ole Hartvig Bakke, Skognæringa Kyst SA.

Har me gløymt skogen?

– I Rogaland og Agder er me gode på hogst, men mindre gode på gjenplanting og fornying av skog. Dette gir over tid, nedbygging av verdfulle ressursar, seier Stein Bomo, fylkesskogmeister hjå statsforvaltaren i Rogaland.

Hilde Elin Østerhus​

Bomo går rett på sak, under Kystskogkonferansen 1. og 2. juni. Han etterlyser merksemd om utfordringane. Kystskogkonferansen samlar fagfolk i Kystskogbruket, eit samarbeid mellom fylkeskommunane, statsforvaltarane og skog- og trenæringa langs kysten frå Agder til Finnmark. På agendaen står problemstillinga: Framtidsskogen – grøn løgn eller klimavennleg verdiskaping?