Eirik K. Hobberstad fekk Rogaland landbruksselskap sin heiderspris for 2015.
Under Landbrukskonferansen 2016, fekk Eirik K Hobberstad tildelt Rogaland landbruksselskap sin heiderspris.
Eirik Stople
– I år går heidersprisen til ei eldsjel som har inspirert utallege ungdommar til å ta landbruksutdanning, innleia landbruksdirektør Geir Skadberg. Han fortalde om ein prisvinnar med ei spesiell evne til å få ungdom i tale.
– Hobberstad har ei ein aktiv arbeidsmetode ved å oppsøke ungdom, og det er mange «offer» som har blitt taua inn, sa Skadberg, til muntrasjon i salen.
Erik K. Hobberstad har hatt ei viktig rolle i å rekruttera ungdom og unge bønder til Vinterlandbruksskulane i Rogakland og til Høgskulen for landbruk og bygdeutvikling på Jæren.
– Hobberstad har medverka både med rekruttering og til skreddarsydde utdanningsopplegg , sa landbruksdirektøren.
Hobberstad er framleis aktiv. Nå reiser han rundt i Vest-Agder.
– Eg skal ha alle jordbrukssjefane og ordførarane i tale, sa Hobberstad, i ein kommentar til prisen.
Bondevennen gratulerer prisvinnaren.
