Framtid for telemarksfeet: Matsikkerheit, brukt av utmarksressursane, samt genetisk og biologisk mangfald, i tillegg til lokal matproduksjon og identitet. Jo – det er mange grunnar til at vi som land må ta vare på dei genetiske ressursane, blant anna telemarksfeet.
DYRSKU'N

Heidra for å bevare gamle kurasar

På 1990-talet var det kritisk for dei gamle storferasane. I tolvte time vart det bestemt at dei skulle teljast og vernast. No er ingen av rasane lenger kritisk trua, dei er berre trua. – Tolmod, engasjerte bønder og politisk vilje har gjort det mogleg, seier Nina Svartedal.


Liv Kristin Sola


Som student ved husdyrlinja på Ås, reiste Nina Svartedal rundt om i landet for å telje og registrerer kyr av dei gamle norske storferasane. Det var starten på eit over tretti år langt engasjement for å bevare dei stadeigne norske storferasane.