I pluss: I 2025 peika dekningsbidragspilene oppover for alle dei store hudyrproduksjonane. Foto: Istock

Inntektsvekst, men ikkje jamstilling i 2025

Inntektene i landbruket på Sør-Vestlandet held fram med å stiga, men det er eit stykke att til økonomisk jamstilling med andre grupper i samfunnet, ifølgje pressemelding.

Sjur Håland

ECIT Forretningspartner, som Tveit Rekneskap nå er ein del av, peikar i pressemeldinga på at sjølv om mange dei siste åra har hevda at bonden nærmar seg full jamstilling, viser rekneskapane ein meir samansett kvardag for dei ulike produksjonane i regionen.

Dei ferske tala for rekneskaps­året 2025 er basert på data frå kring 200 gardsbruk på Sør-Vestlandet. Tala viser at den gjennomsnittlege næringsinntekta etter avskriving auka med nær 85.000 kroner per bruk, noko som løfta det totale snittet til 697.000 kroner.