Hald avstand: Peter Aniksdal, Jarle Waldeland (far til Berit Kathrine) og Otto Topdal lengst bak. Her må ein stola på kvarandre at ein held avstand slik at ikkje hælane ryk!

Inviterte til ljåslått i byggefeltet

– Med ljå og bryne treng eg verken diesel eller olje, seier Berit Kathrine W. Apeland. Ho vil bidra til å føra gammal kunnskap vidare og inviterte til slåttedag – midt i eit byggefelt på Vigrestad.

Silje Varhaug

Berit Kathrine W. Apeland er frå og bur på Vigrestad i Rogaland i Hå kommune. Her bur ho saman med mannen, Svein Apeland, og tre barn på snart sju år, fem år og ti månadar.

Sjølv er ho oppvaksen på gard, men bur nå i eit byggefelt. Ved sida av hagen, kor Berit Kathrine koser seg med å dyrka litt tomatar, jordbær, rips, agurk og mykje meir, har hennar far ein liten grasteig midt i byggefeltet.