Ronja prøve-røvar:Gardshunden Ronja er nyfiken, men når ikkje vipereiret takka vere spilene.

Klekkeleg suksess med vipebur

Etter utprøving med gode resultat i andre fylke skal vipebur nå trygga hekkande viper også på Jæren.

Bothild Å. Nordsletten

Ronja stikk labben inn i buret, men når ikkje dei fire vipeegga som ligg i reiret der inne. Buret, om lag ein meter i diameter, er ikkje først og fremst meint mot gardshundar, men kråke, anna fugl samt grevling, som likar å forsyna seg av egga til den kritisk truga fuglen. Og så langt har resultata av utplassering i Vestland, Vestfold, Telemark og Trøndelag gitt lovande resultat.