Verdi: Denne trioen inviterer til grovfôrsamling i starten på september, og lokkar med fagleg påfyll og gode diskusjonar. (F.v.) Khaled Murad Agha, forskar ved Norsk institutt for bioøkonomi (NIBIO), Helga Hellesø, dagleg leiar ved Rogaland Landbrukspark på Særheim, og Atle Lende, avdelingsleiar og rådgivar ved Norsk Landbruksrådgiving.

Korleis nytte ein lengre vekstsesong?

Klimaendringar gir nye utfordringar og moglegheiter. Under grovfôrsamlinga i september blir det fagleg påfyll og diskusjonar om framtidas grovfôrproduksjon.

Jofrid Åsland Gilje

– Me håper bøndene vil sette av tid. Det viktigaste er jo diskusjonane som oppstår mellom fagfolka, seier Atle Lende.

Han er avdelingsleiar og rådgivar ved Norsk Landbruksrådgiving, og held hus på Særheim. Her er han del av eit yrande landbruksmiljø med hjarte for forsking og utvikling. Lende opplever at bøndene på Jæren er meir opptekne av ny kunnskap enn for berre nokre år tilbake.