Omstridd middel: Tine og Bondelaget hevdar den metanhemmande fôrtilsettinga Bovaer er det beste og mest effektive verkemiddelet for å oppnå raske klimakutt frå jordbruket. Mange bønder er likevel skeptiske, noko som nyleg kom til uttrykk på desse t-skjortene under Dyrsku’n. Foto: Ellen Hartveit

Kraftsamlar for og mot metanhemmar

Tine og Bondelaget stiller topptunge for å forklara jærbøndene kvifor dei må bruka metanhemmar. Skeptiske jærbønder mobiliserer til ordskifte.

Bothild Å. Nordsletten

Tysdag 23. september inviterer Tine bøndene på Jæren til møte om berekraft og klima på Undheim samfunnshus.

Samvirket stiller med fleire frå leiinga: styreleiar Rolf Øyvind Thune, direktøren for berekraft Johanne Kjuus, samt sjefen for fag og forsking Håvard Nørstebø. Sistemnde er òg ansvarleg for forskingssamarbeidet MetanHUB.