Verne-rammer:Bjørg Marit Fuglestad er pålagd – og pålegg seg sjølv – strenge avgrensingar i drifta, då garden ligg inntil naturreservatet Orrevatnet. Nå vil ho og andre bønder i Klepp vita meir om korleis dei eigentleg kan driva i vernesona inntil vassdraga. Foto: Privat

Liv laga for landbruk i vernesona?

Også i Klepp driv mange bønder inntil vernesona rundt kysten, våtmarker, elvar og innsjøar. Nå ønskjer dei dialog med styresmaktene – og avklaring på kva dei eigentleg har lov å gjera på eigen grunn.

Bothild Å. Nordsletten

– Nei, eg har ikkje sjølv nokon pågåande konflikt med forvaltinga. Det er heller som at Orrevatnet er eit ingenmannsland for meg, seier Bjørg Marit Fuglestad.

Ho er mjølkebonde ved breidda av eit av Noregs viktigaste trekk-, overvintrings- og hekkeområde for våtmarksfugl – naturreservatet Orrevatnet.