– Mandelpotet til folket!

2. oktober 2014 | Aktuelt

Potetprodusent Magnus Nordås og Arne Braut deler ut gratis mandelpotet under potetfestivalen på Bryne.

– Gratis fram til klokka ett. Fem minutt igjen, ropar Braut.

Responsen er god. Folk flokkar seg rundt potetkassen for å få med seg ein post med uvaska mandelpotet.

Liv Kristin Sola

På torget og utanfor M44 vart tradisjonen tru høve å få kjøpa potet i bøtter. Toralv Taksdal og Svein Mauland stod med hovudet ned i potetkassen for å fylla opp bøttene etterkvart som salet gjekk unna.
– Fordelen med mandelpotet er at dei er stygge i utgangspunktet, seier Nordås. Mandelpoteta er ikkje straumlinjeforma slik som til dømes Folva. Det gir mindre svinn.
Fulle bøtter klare til koking. – Det er Folva det går mest av, spesielt til industrien. Dei er faste og kokesterke, seier Taksdal.
Potetprodusent Magnus Nordås er den første på Jæren som dyrkar mandelpotet i større volum. Han har 170 dekar og avtale med Coop som kjøper heile volumet.
Beste mandelpotet som er dyrka på den nordlege halvkule, Braut er ikkje snau i sine lovnadar.

Del på Facebook