– Me burde varslast meir

Etter nye dyretragediar i Rogaland håpar Mattilsynet at aktørane som er innom fjøs blir flinkare til å varsla om overtramp.

Bothild Å. Nordsletten

Berre etter nyttår har Mattilsynet (MT) avvikla tre husdyrhald sør i Rogaland. Stavanger Aftenblad har i det siste publisert saker med grelle bilete av tørste, utmagra, sjuke og skitne dyr, altså på grove brot på elementære reglar for dyrehald. Dette kjem i kjølvatnet av fjorårets 30 hastevedtak i verksemder med storfe og 22 hastevedtak i verksemder med sau i MT Sør Vest (Vestland, Rogaland og Agder).