Sensorsjekk:Martin Lien Sæternes frå Elotec f.v., saman med bonde Joar Lende og Jostein Susort frå Felleskjøpet Rogaland Agder.

Meiner sensorteknologi gjer bøndene betre

Sensorteknologien er komen til landbruket for å bli. Bonde Joar Lende er ikkje redd for å ta den i bruk.

Sjur Håland​

​
– Ikkje i det heile teke, seier han.

Lende sin gard ligg på Lende i Sira. Her driv han mjølkeproduksjon med ein grunnkvote på 350.000.liter. I år skal han produsera 426.000 liter fordelt på dei 55 kyrne i robotfjøset frå 2020. Totalt har han nær 120 storfe på garden, med stort og smått. Arealgrunnlaget er 360 mål dyrka.