Meir storfe: Forbrukarane vil ha meir reine proteinvarer, og storfekjøt har teke ein heil del av denne trenden, seier Nortura-styremedlem Martin Mæland. Sjølv har han både oksar og mjølkekyr på garden sin.

Meir importert storfekjøt – er det så farleg?

For Nortura-tillitsvald Martin Mæland er den største uroa at norsk verdiskaping går tapt, og at langvarig underdekning kan føra til politiske krav om større importkvotar.

Sjur Håland​

Vigrestad-bonden Martin Mæland har levert storfeslakt til Nortura sidan 1996 og sit nå i konsernstyret i bøndene sitt eige selskap. Når han blir utfordra til å omtala det store underskotet med eigne ord, kjem svaret kjapt.

– Det som er mest leitt, er at me for tida har ei viss verdiskaping i landbruket som me gir vekk til import.