På beite: Det trengst litt tilpassing med grindar og portar for å få kutrafikken til å flyte slik du vil. Her frå Måsætra.Foto: Juni Rosann E. Johanssen, NORSØK

Ny teknologi på beite

Med ein mobil mjølkerobot kan du nytte utmark og beiteressursar som elles ikkje blir nytta fordi avstanden til stasjonær mjølkerobot er for lang. Eller få tilgang til beiteressursane på bruk som ikkje lenger er i drift.

Liv Kristin Sola​

«MoMelk» er namnet på eit treårig prosjekt i Møre og Romsdal, leia av Norsk senter for økologisk landbruk (NORSØK) på Tingvoll. Prosjektleiar er Cecilie Løkken.

– Utgangspunktet for prosjektet var at vi har fleire fellesbeite som ikkje lenger er i bruk. Her er det gjerne ein del infrastruktur på plass, og veg opp til fjøset. Ein mobil mjølkerobot kunne vore ei moglegheit til å ta opp att drifta av desse fjøsa og beiteområda, seier Løkken.